അകലെയാണെന്നാലും
*********************
അകലെയാണെന്നാലും മനതാരിൽ എന്നും
നറു ദീപമായി നീ വഴി തെളിച്ചു
സ്വപ്നങ്ങൾക്കെല്ലാം ചിറകു വന്നു ഞാൻ
സ്വയം മറന്നങ്ങനെ പറന്നലഞ്ഞു
*********************
അകലെയാണെന്നാലും മനതാരിൽ എന്നും
നറു ദീപമായി നീ വഴി തെളിച്ചു
മറന്നെന്നെയോമനെ എങ്കിലും പ്രാണനിൽ
മധുരനൊമ്പരമായ് നീ തുടിച്ചു നിന്നു
മധുരനൊമ്പരമായ് നീ തുടിച്ചു നിന്നു
കരളിൻ തന്ത്രിയിൽ കവിതയുണർന്നു
കദനം മറന്നെന്നിൽ കനവു പൂത്തു
നിന്നധരപ്പൂ മധുരം നുകരാൻ
നിന്നിലലിയാനെന്നും ഞാൻ കൊതിച്ചു
നിന്നധരപ്പൂ മധുരം നുകരാൻ
നിന്നിലലിയാനെന്നും ഞാൻ കൊതിച്ചു
ഒരിക്കൽ നീ പകർന്നേകിയ പ്രണയമെൻ ,
ജീവിത താളം തിരിച്ചുതന്നു..സ്വപ്നങ്ങൾക്കെല്ലാം ചിറകു വന്നു ഞാൻ
സ്വയം മറന്നങ്ങനെ പറന്നലഞ്ഞു